بسم الله الرحمن الرحيم
- متقلقش ... هكلمك عن المنشطات شويه عشان لما تتزنق فى اى سؤال من اى حد تعرف تجاوب بأحترافيه .... والموضوع ده استجابه لأقتراح واحد من الاعضاء المحترمه فى الموضوع ده (انت رأيك ايه؟) ..... عندك اقتراح لموضوع جديد اكتبوا فى رد وبأذن الله هجهزه فى اقرب وقت.
- طبعا انا عارف ان فيه مواضيع كتير اتعملت عن المنشطات وكتير مننا (بما فيهم انا!) بنكسل نفتح الموضوع عشان عارفين هنلاقى كلام مكلكع باللغه العربيه وعلمى ومسطلحات انجليزى ووجع دماغ .... فأنا قلت اعمل الموضوع باللغه العاميه المبسطه وانسقه والونه عشان تشجعنا نقرأ الموضوع .
--------------------------
- لمحه عن تاريخ المنشطات فى السريع كده ......
- اول صناعه لمنشط كان (التيستوستيرون) وكان مصنوع لغرض واحد فى الطب وهو فى الصحه الجنسيه والذكريه والمعالجة وبس ..... بعد كام سنه اللاعبين الرياضيين فى العالم الشرقى بدأ يستخدموا المنشطات الجنسيه عشان يزودو قوتهم الجسديه وقوة الاعصاب وقدرة التحمل ...الخ ....... ويعتبر اول ناس استخدموا المنشطات هم الروسيين والدليل على كده تفوقهم الكبير فى رياضه رفع الاثقال ..... وكانوا بيستعملوا المنشطات فى السر ومكانش ليها كشف طبى او قوانيين تحظر استعمالها او بيعها ... وحاليا بقت تستخدم المنشطات سواء طبيه او كمخدرات فى كتير من الرياضات وبقى ليها قانون يحرم تعاطيها او بيعها .
--------------------------
- فيه كتير من الهرمونات الجنسيه زى (التيستوستيرون - بروجيستيرون - ...........الخ) وكتير من الهرمونات التانيه ... بعضها الهرمونات دى للرجاله وبعضها للنساء .... ولازم نعرف ان الرجاله والنساء عندهم كل الهرمونات الذكريه والانوثيه بس بنسب مختلفه .... يعنى الرجاله عندهم الهرمونات الذكريه عاليه .. والهرمونات الانوثيه قليله ..... والعكس عند النساء .
- الهرمونات الانوثيه بتكون مسئوله عن (تكوين الخلايا الدهنيه - توزيع الخلايا الدهنيه فى الارداف والصدر والارجل - نضوج الاعضاء والوظائف الجنسيه النسائيه )
- الهرمونات الذكريه بتكون مسئوله عن ( عمق الصوت - تكوين العضلات - كتله العظام - شعر الجسم - الخصائص الجنسيه الذكريه - نمو الاعضاء الذكريه ).
- جسم الذكر بينتج فى اليوم من 4 الى 10 مج من التيستوستيرون يعنى تقريبا 28 لـ 70 مج تيستوستيرون فى الاسبوع ... وطبعا بينتج من الخصيه عند الرجل عن طريق الغده الكظريه اللى قرب الكلى.
- بتعتبر بعض المنشطات مشتقة من هرمون التيستوستيرون بس مش كل المنشطات مشتقة منه او ليها نفس تأثيره.
# الهرمون الاندروجينى المخلوق ( التيستوستيرون ) له فائدتيين اساسيتين هما ايه ؟
-1- حاجه اسمها (الخاصيه البنائيه) وهى ( زيادة حجم العضلات - سرعه الاستشفاء العضلى - بناء الالياف العضليه) .... ودى حاجات كلنا بنعشقها .
-2- وحاجه تانيه اسمها (الخاصيه الجنسيه) واللى هى ( النشاط الجنسى والخصائص الجنسيه - شعر الجسم - عمق الصوت - العدوانيه - انتاج الغدد الدهنيه - حبوب الجسم او حب الشباب - البشره الدهنيه او الزيتيه) ومعظم الحجات دى كلنا بنكرهها زى حب الشباب اللى قارفنا فى عيشتنا .
--------------------------
1- تزيد المنشطات البنائية ( anabolic strroids ) من بناء البروتين فى الخلية العضليةوالاستفادة العضلية منه واستفادة الجسم عمتا من البروتين .
2- تزيد المنشطات البنائية من وجود الاكسجين بالدم .
3- تزيد المنشطات البنائية من احتفاظ الخلية العضلية بالنيتروجين.
4- تعمل المنشطات كعامل مضاد لعملية الهدم بالجسم .
5- تؤدى المنشطات الى زيادة كرات الدم الحمراء ومستوى تدفق الدم بالجسم وعندما تزيد تلك الميزة عن حدها تنقلب باثار جانبية اشهرها ارتفاع ضغط الدم .
6- للمنشطات البنائية تاثير مهم على تكوين وتخزين وتوزيع الدهون بالجسم .
7- تؤدى المنشطات البنائية الى زيادة تاليف الفوسفو كرياتين ( phospho creatine ) مما يزيد قوة التحمل والطاقة فى التدريب .
--------------------------
كله اللى فات كلام فارغ بالمقارنه بأضرار المنشطات !!!!!هأقولك اضرار المنشطات واحده واحده وبتلخيص ...
1- تأثيرها على المخ :
- الدراسات اظهرت ارتفاع التيستوستيرون وعلاقته بالتصرف العدوانى والتعصب ... و اللى بيلاقوه دايما فى الشباب اللى مشاركه فى اعمال شغب او الاعمال العنيفه والجرعه الزايده اظهرت اعراض زى (القلق المتزايد - واضطرابات النوم - مشاعر النشوة - والاكتئاب - وتغيير فى الشخصيه ) وطبعا تقلبات فى المزاج ............... الستيرويد بقى ادمان خلاص! .
2- تأثيراها على الوجه :
- لاحظوا بردو على الناس اللى بتستخدم المنشطات ..... حجات فى الوجه والرقبه (ورم) اسمه ( احتباس ماء ) ربنا يعافينا منه ... طبعا بيبقى شكل الوجه شاذ ومش لطيف نهائى وبيبقى الوش كده مدور والخدود منفوخه وبيبقى فى الصوابع والركبه بردو ... وعند النساء اللى بيستعملوا منشطات بيطلعلهم شعر دقن وبيبقى صوتهم غليط شبه بتاع الرجال !!! وبردو من الاعراض التانيه اللى بتظهر .... رائحه نفس معفنه ! وظهور حب الشباب فى حتت غريبه زى الصدر والظهر والوجه طبعا والبشره تروح فى داهيه.
3- تأثيرها على العين :
- الاستعمال الطويل للمنشطات بيأثر سلبيا على العين والرؤيه بتبقى معتمه والنظر بيضعف والعين بيحصلها التهابات علطول .. + ظهور المياء الزرقاء .... ربنا يحمينا .
4- تأثيرها على الشعر :
- من اكتر الحجات الشائعه بين اللى بيستخدموا المنشطات هو الصلع ..... وش كده هتستعمل منشطات يبقى هتبقى اصلع !! .. سواء انت بين الرجال او النساء بسبب تحول مستويات عاليه من التيستوستيرون لـ DHT ... واللى بيسبب فى انكماش بصيلات الشعر واللى بيخليها ضعيفه جدا وبتموت وبيبقى الصلع داائم .
5- تأثيرها على القلب :
- اكتر حاجه المفروض تقلق عليها من المنشطات هو القلب بتاعك ..... بس كالعادة احنا بنتجاهل الكلام والتحذيرات لـــحد ما الكارثه تحصل !...... ومن المعروف ان المنشطات بترفع مستوى الكولسترول فى الدم وبكده بتتراكم على جدران الاوعيه الدمويه واللى بتأدى لسكته دماغيه ! واظهرت الابحاث انخفاض الكولسترول الجيد وارتفاع الكولسترول السئ واللى بيؤدى لضغط وزيادة تجلط الدم فى الاوعيه الدمويه وتعطيل تدفق الدم واللى بيسبب اضرار فى عضله القلب واللى بيؤدى لنوبه قلبيه! (ربنا يحمينا) .
6- تأثيرها على المعدة :
- غالبا السلبيات اللى بتعملها المنشطات فى المعده هى نوبات الغثيان واللى بتعمل تقيؤ مع الدم اللى بيظهر فى القئ واللى سببها تهيج فى بطانه المعده وزيادة الاحماض مع انخفاض فى الغشاء او الطبقه اللى بتحمى المعده .... مفهمتش حاجه ؟ من الاخر المنشطات هتطلع **** ام معدتك !
7- تأثيرها على الكلى :
- الكلى مهمه جدا عشان بينظم مستويات الملح والماء ووظيفه مهمه تانيه وهى تنظيم ضغط الدم ... ارتفاع ضغط الدم بيتلف الاوعيه الدمويه ونظام التنقيه بتاع الكلى .... وكل ده اللى بيسببه المنشطات اللى بترفع ضغط الدم اللى بيأثر على شغل الكلى وزيادة تخثر الدم وحصى الكلى ومشاكل فى افراز البول والمسالك البوليه وتلف فى الاوعيه الدمويه ... والموت!
8- تأثيرها على الكبد :
- الكبد اكبر عضو فى البطن وظيفته انه بينقى السموم الضاره من الدم ولتخزين الفيتامينات والمعادن من المواد الغذائيه ... و من الحجات المهمه اللى بيعملها الكبد انه بيشتغل لأدارة المواد الكيميائيه زى الكولسترول والسكريات والبروتينات وبردو بيساعد على انتاج الاحماض اللى بتهضم الطعام ...... المنشطات بقى بتقضى على ده كله ! وش كده ! اصفرار فى الوجه والعينين ......... تلف فى الكبد او سرطان او الاتنين .................وبعدين المــــوت !!.
9- تأثيرها على الصدر :
- من اكتر الحجات الشائعه بين مستخدمين المنشطات هو (نمو الثدى زى النساء) وده بسبب الجرعات العاليه من الستيرويد واللى بيتطلب تدخل جراحى عشان تشيل الثدى ده !.
10- تأثيرها على العظام :
- استعمال المنشطات او الستيرويد من الشباب والمراهقيين اللى تحت 20 سنه واللى لسه نموهم مكتملش بالطبع بيأثر على نمو وكثافه العظام بتاعتهم واللى بيأدى لأن طول قامتهم يبقى قصير بسبب اغلاق لوحات النمو (حاجه زى كده اسمها العلمى (epiphyseal) ... ماعلينا ! واللى اكبر من 20 بيعمل الالم مؤلمه فى العظم .
11- تأثيرها على العضلات :
- مش هقولك المنشطات بتموت العضله ..... بس هقولك ان المنشطات بتخليك تشعر بقوة زيادة عن اللزوم واللى بيخليك عايز تشيل وزن اكبر من وزنك واللى بيأدى بنسبه 90% الى تمزق فى الاربطه والاصابه فى المفاصل وتمزق فى العضله (اللى هو تموت العضله ! ) .
12- تأثيرها على الجلد :
- من الطبيعى ان المنشطات بتأثر على مسام الجلد وبتخلى نسيجه خشن وبيسبب بعض الامراض الجلديه زى بالطبع احمرار الجلد وحب الشباب مع البشره الدهنيه ... ومش على الوش بس لا! على الرقبه والظهر والصدر مع اثار التجاعيد ..... وزى ماقلنا قبل كده اصفرار الجلد والعينيين .
13- تأثيرها على جهاز المناعه :
- طبعا المنشطات بتضعف جهاز المناعه بتاعك واللى بتظهر لما تبطل تستعمل منشطات واثاره بتكون واضحه جدا واللى بيعرضك لقابليه نقل الامراض ليك من غير جدار حمايه (جهاز المناعه).
14- تأثيرها على الصحه الجنسيه :
- المنشطات بقى بتأثر سلبا على الخصيتين وتخليهم مش شغاليين تمام ومش بيفرزوا تيستوسترون واللى بيأدى الى ضمور الخصيتين ووقف تصنيع التيستوسترون (العقم) ولما بتفضل تستعمل المنشطات كتير بيسبب عدم الانتصاب من اساسه !! ..... ولما بتتوقف عن استعمال المنشطات ..... الخصيتين بيحتاجوا وقت طويل عبال مايرجعوا يشتغلوا طبيعى زى الاول .
--------------------------
ده مجرد تلخيص لأضرار المنشطات اللى الكل بيكسل يقرأها وبيستهون بيها ..... لو عايز تذيع قول نذيع لو مش عايز قول مش عايز !! احب اقول للشباب اللى بتفكر انها تستخدم منشطات ...... ياجدعان انا او غيرى من اللى بينبهواعلى اضرار المنشطات محنا نريح دماغنا ولا نتعب نفسينا ولا نكتب ولا ننسق ولا نلون ونسيبكم تستخدموا ولا متستخدموش احنا مالنا !! بس احنا بنعمل كده عشانكم وعشان متعملوش الحاجه اللى بتدفعوا فيها فلوس وتموتكم بأديكم !!! واللى لسه بيستخدمها ... يتركها قبل ماتقع الفاس فى الراس ! يارب تكونوا اتعظتم من غيركم ..... الموضوع مترجم من احد المواقع الاجنبيه المشهورة .....(الجروث هرمون والانسولين خارج الموضوع) اتمنى ربنا يعافينا ويعافيكم ويشفينا ويشفى كل مريض..
تمت بحمد الله
المنشطات
- موضوعنا انهارده عن المنشطــــــات (الستيرويد) ...... واحد يقول فى عقل باله (ياراجل! هيا ناقصه ملل انا هقفل الموضوع ده ) .... اقوم انا اقوله ياعم استنى هو مش معناه انك مبتستعملش المنشطات او ضد استعمالها اساسا يبقى متقرأش عنها ولا تعرف حتى بتعمل ايه ...... طب ليه ضد استعمالها اساسا ؟ طب لو سألك حد ايه الفرق بين المنشطات والمكملات هتجاوب وتقول ايه ؟!!! هيبقى شكلك عامل ازاى؟!! ماترد يابيـــه !
- متقلقش ... هكلمك عن المنشطات شويه عشان لما تتزنق فى اى سؤال من اى حد تعرف تجاوب بأحترافيه .... والموضوع ده استجابه لأقتراح واحد من الاعضاء المحترمه فى الموضوع ده (انت رأيك ايه؟) ..... عندك اقتراح لموضوع جديد اكتبوا فى رد وبأذن الله هجهزه فى اقرب وقت.
- طبعا انا عارف ان فيه مواضيع كتير اتعملت عن المنشطات وكتير مننا (بما فيهم انا!) بنكسل نفتح الموضوع عشان عارفين هنلاقى كلام مكلكع باللغه العربيه وعلمى ومسطلحات انجليزى ووجع دماغ .... فأنا قلت اعمل الموضوع باللغه العاميه المبسطه وانسقه والونه عشان تشجعنا نقرأ الموضوع .
--------------------------
- لمحه عن تاريخ المنشطات فى السريع كده ......
- اول صناعه لمنشط كان (التيستوستيرون) وكان مصنوع لغرض واحد فى الطب وهو فى الصحه الجنسيه والذكريه والمعالجة وبس ..... بعد كام سنه اللاعبين الرياضيين فى العالم الشرقى بدأ يستخدموا المنشطات الجنسيه عشان يزودو قوتهم الجسديه وقوة الاعصاب وقدرة التحمل ...الخ ....... ويعتبر اول ناس استخدموا المنشطات هم الروسيين والدليل على كده تفوقهم الكبير فى رياضه رفع الاثقال ..... وكانوا بيستعملوا المنشطات فى السر ومكانش ليها كشف طبى او قوانيين تحظر استعمالها او بيعها ... وحاليا بقت تستخدم المنشطات سواء طبيه او كمخدرات فى كتير من الرياضات وبقى ليها قانون يحرم تعاطيها او بيعها .
--------------------------
- لمحه عن الهرمونات فى السريع كده ...
- فيه كتير من الهرمونات الجنسيه زى (التيستوستيرون - بروجيستيرون - ...........الخ) وكتير من الهرمونات التانيه ... بعضها الهرمونات دى للرجاله وبعضها للنساء .... ولازم نعرف ان الرجاله والنساء عندهم كل الهرمونات الذكريه والانوثيه بس بنسب مختلفه .... يعنى الرجاله عندهم الهرمونات الذكريه عاليه .. والهرمونات الانوثيه قليله ..... والعكس عند النساء .
- الهرمونات الانوثيه بتكون مسئوله عن (تكوين الخلايا الدهنيه - توزيع الخلايا الدهنيه فى الارداف والصدر والارجل - نضوج الاعضاء والوظائف الجنسيه النسائيه )
- الهرمونات الذكريه بتكون مسئوله عن ( عمق الصوت - تكوين العضلات - كتله العظام - شعر الجسم - الخصائص الجنسيه الذكريه - نمو الاعضاء الذكريه ).
- جسم الذكر بينتج فى اليوم من 4 الى 10 مج من التيستوستيرون يعنى تقريبا 28 لـ 70 مج تيستوستيرون فى الاسبوع ... وطبعا بينتج من الخصيه عند الرجل عن طريق الغده الكظريه اللى قرب الكلى.
- بتعتبر بعض المنشطات مشتقة من هرمون التيستوستيرون بس مش كل المنشطات مشتقة منه او ليها نفس تأثيره.
# الهرمون الاندروجينى المخلوق ( التيستوستيرون ) له فائدتيين اساسيتين هما ايه ؟
-1- حاجه اسمها (الخاصيه البنائيه) وهى ( زيادة حجم العضلات - سرعه الاستشفاء العضلى - بناء الالياف العضليه) .... ودى حاجات كلنا بنعشقها .
-2- وحاجه تانيه اسمها (الخاصيه الجنسيه) واللى هى ( النشاط الجنسى والخصائص الجنسيه - شعر الجسم - عمق الصوت - العدوانيه - انتاج الغدد الدهنيه - حبوب الجسم او حب الشباب - البشره الدهنيه او الزيتيه) ومعظم الحجات دى كلنا بنكرهها زى حب الشباب اللى قارفنا فى عيشتنا .
--------------------------
فوائد المنشطات للاعب كمال الاجسام ...!!!!!!!!!!
1- تزيد المنشطات البنائية ( anabolic strroids ) من بناء البروتين فى الخلية العضليةوالاستفادة العضلية منه واستفادة الجسم عمتا من البروتين .
2- تزيد المنشطات البنائية من وجود الاكسجين بالدم .
3- تزيد المنشطات البنائية من احتفاظ الخلية العضلية بالنيتروجين.
4- تعمل المنشطات كعامل مضاد لعملية الهدم بالجسم .
5- تؤدى المنشطات الى زيادة كرات الدم الحمراء ومستوى تدفق الدم بالجسم وعندما تزيد تلك الميزة عن حدها تنقلب باثار جانبية اشهرها ارتفاع ضغط الدم .
6- للمنشطات البنائية تاثير مهم على تكوين وتخزين وتوزيع الدهون بالجسم .
7- تؤدى المنشطات البنائية الى زيادة تاليف الفوسفو كرياتين ( phospho creatine ) مما يزيد قوة التحمل والطاقة فى التدريب .
--------------------------
كله اللى فات كلام فارغ بالمقارنه بأضرار المنشطات !!!!!هأقولك اضرار المنشطات واحده واحده وبتلخيص ...
1- تأثيرها على المخ :
- الدراسات اظهرت ارتفاع التيستوستيرون وعلاقته بالتصرف العدوانى والتعصب ... و اللى بيلاقوه دايما فى الشباب اللى مشاركه فى اعمال شغب او الاعمال العنيفه والجرعه الزايده اظهرت اعراض زى (القلق المتزايد - واضطرابات النوم - مشاعر النشوة - والاكتئاب - وتغيير فى الشخصيه ) وطبعا تقلبات فى المزاج ............... الستيرويد بقى ادمان خلاص! .
2- تأثيراها على الوجه :
- لاحظوا بردو على الناس اللى بتستخدم المنشطات ..... حجات فى الوجه والرقبه (ورم) اسمه ( احتباس ماء ) ربنا يعافينا منه ... طبعا بيبقى شكل الوجه شاذ ومش لطيف نهائى وبيبقى الوش كده مدور والخدود منفوخه وبيبقى فى الصوابع والركبه بردو ... وعند النساء اللى بيستعملوا منشطات بيطلعلهم شعر دقن وبيبقى صوتهم غليط شبه بتاع الرجال !!! وبردو من الاعراض التانيه اللى بتظهر .... رائحه نفس معفنه ! وظهور حب الشباب فى حتت غريبه زى الصدر والظهر والوجه طبعا والبشره تروح فى داهيه.
3- تأثيرها على العين :
- الاستعمال الطويل للمنشطات بيأثر سلبيا على العين والرؤيه بتبقى معتمه والنظر بيضعف والعين بيحصلها التهابات علطول .. + ظهور المياء الزرقاء .... ربنا يحمينا .
4- تأثيرها على الشعر :
- من اكتر الحجات الشائعه بين اللى بيستخدموا المنشطات هو الصلع ..... وش كده هتستعمل منشطات يبقى هتبقى اصلع !! .. سواء انت بين الرجال او النساء بسبب تحول مستويات عاليه من التيستوستيرون لـ DHT ... واللى بيسبب فى انكماش بصيلات الشعر واللى بيخليها ضعيفه جدا وبتموت وبيبقى الصلع داائم .
5- تأثيرها على القلب :
- اكتر حاجه المفروض تقلق عليها من المنشطات هو القلب بتاعك ..... بس كالعادة احنا بنتجاهل الكلام والتحذيرات لـــحد ما الكارثه تحصل !...... ومن المعروف ان المنشطات بترفع مستوى الكولسترول فى الدم وبكده بتتراكم على جدران الاوعيه الدمويه واللى بتأدى لسكته دماغيه ! واظهرت الابحاث انخفاض الكولسترول الجيد وارتفاع الكولسترول السئ واللى بيؤدى لضغط وزيادة تجلط الدم فى الاوعيه الدمويه وتعطيل تدفق الدم واللى بيسبب اضرار فى عضله القلب واللى بيؤدى لنوبه قلبيه! (ربنا يحمينا) .
6- تأثيرها على المعدة :
- غالبا السلبيات اللى بتعملها المنشطات فى المعده هى نوبات الغثيان واللى بتعمل تقيؤ مع الدم اللى بيظهر فى القئ واللى سببها تهيج فى بطانه المعده وزيادة الاحماض مع انخفاض فى الغشاء او الطبقه اللى بتحمى المعده .... مفهمتش حاجه ؟ من الاخر المنشطات هتطلع **** ام معدتك !
7- تأثيرها على الكلى :
- الكلى مهمه جدا عشان بينظم مستويات الملح والماء ووظيفه مهمه تانيه وهى تنظيم ضغط الدم ... ارتفاع ضغط الدم بيتلف الاوعيه الدمويه ونظام التنقيه بتاع الكلى .... وكل ده اللى بيسببه المنشطات اللى بترفع ضغط الدم اللى بيأثر على شغل الكلى وزيادة تخثر الدم وحصى الكلى ومشاكل فى افراز البول والمسالك البوليه وتلف فى الاوعيه الدمويه ... والموت!
8- تأثيرها على الكبد :
- الكبد اكبر عضو فى البطن وظيفته انه بينقى السموم الضاره من الدم ولتخزين الفيتامينات والمعادن من المواد الغذائيه ... و من الحجات المهمه اللى بيعملها الكبد انه بيشتغل لأدارة المواد الكيميائيه زى الكولسترول والسكريات والبروتينات وبردو بيساعد على انتاج الاحماض اللى بتهضم الطعام ...... المنشطات بقى بتقضى على ده كله ! وش كده ! اصفرار فى الوجه والعينين ......... تلف فى الكبد او سرطان او الاتنين .................وبعدين المــــوت !!.
9- تأثيرها على الصدر :
- من اكتر الحجات الشائعه بين مستخدمين المنشطات هو (نمو الثدى زى النساء) وده بسبب الجرعات العاليه من الستيرويد واللى بيتطلب تدخل جراحى عشان تشيل الثدى ده !.
10- تأثيرها على العظام :
- استعمال المنشطات او الستيرويد من الشباب والمراهقيين اللى تحت 20 سنه واللى لسه نموهم مكتملش بالطبع بيأثر على نمو وكثافه العظام بتاعتهم واللى بيأدى لأن طول قامتهم يبقى قصير بسبب اغلاق لوحات النمو (حاجه زى كده اسمها العلمى (epiphyseal) ... ماعلينا ! واللى اكبر من 20 بيعمل الالم مؤلمه فى العظم .
11- تأثيرها على العضلات :
- مش هقولك المنشطات بتموت العضله ..... بس هقولك ان المنشطات بتخليك تشعر بقوة زيادة عن اللزوم واللى بيخليك عايز تشيل وزن اكبر من وزنك واللى بيأدى بنسبه 90% الى تمزق فى الاربطه والاصابه فى المفاصل وتمزق فى العضله (اللى هو تموت العضله ! ) .
12- تأثيرها على الجلد :
- من الطبيعى ان المنشطات بتأثر على مسام الجلد وبتخلى نسيجه خشن وبيسبب بعض الامراض الجلديه زى بالطبع احمرار الجلد وحب الشباب مع البشره الدهنيه ... ومش على الوش بس لا! على الرقبه والظهر والصدر مع اثار التجاعيد ..... وزى ماقلنا قبل كده اصفرار الجلد والعينيين .
13- تأثيرها على جهاز المناعه :
- طبعا المنشطات بتضعف جهاز المناعه بتاعك واللى بتظهر لما تبطل تستعمل منشطات واثاره بتكون واضحه جدا واللى بيعرضك لقابليه نقل الامراض ليك من غير جدار حمايه (جهاز المناعه).
14- تأثيرها على الصحه الجنسيه :
- المنشطات بقى بتأثر سلبا على الخصيتين وتخليهم مش شغاليين تمام ومش بيفرزوا تيستوسترون واللى بيأدى الى ضمور الخصيتين ووقف تصنيع التيستوسترون (العقم) ولما بتفضل تستعمل المنشطات كتير بيسبب عدم الانتصاب من اساسه !! ..... ولما بتتوقف عن استعمال المنشطات ..... الخصيتين بيحتاجوا وقت طويل عبال مايرجعوا يشتغلوا طبيعى زى الاول .
--------------------------
ده مجرد تلخيص لأضرار المنشطات اللى الكل بيكسل يقرأها وبيستهون بيها ..... لو عايز تذيع قول نذيع لو مش عايز قول مش عايز !! احب اقول للشباب اللى بتفكر انها تستخدم منشطات ...... ياجدعان انا او غيرى من اللى بينبهواعلى اضرار المنشطات محنا نريح دماغنا ولا نتعب نفسينا ولا نكتب ولا ننسق ولا نلون ونسيبكم تستخدموا ولا متستخدموش احنا مالنا !! بس احنا بنعمل كده عشانكم وعشان متعملوش الحاجه اللى بتدفعوا فيها فلوس وتموتكم بأديكم !!! واللى لسه بيستخدمها ... يتركها قبل ماتقع الفاس فى الراس ! يارب تكونوا اتعظتم من غيركم ..... الموضوع مترجم من احد المواقع الاجنبيه المشهورة .....(الجروث هرمون والانسولين خارج الموضوع) اتمنى ربنا يعافينا ويعافيكم ويشفينا ويشفى كل مريض..
تمت بحمد الله
ليست هناك تعليقات :
إرسال تعليق